ఈజిప్ట్ - ఫుడ్, షాపింగ్



ఫుడ్

   ఈజిప్ట్ లో శాకాహారులకి కావలసినన్ని ఆప్షన్స్ ఉన్నాయి.  ఒకట్రెండు సార్లు తప్ప మేము ఏ పెద్ద రెస్టారెంట్లకీ వెళ్ళలేదు.   ఫాస్ట్ ఫుడ్ సెంటర్లు  సందుకు  ఐదో పదో ఉంటాయి. లోపల కూర్చోటానికి బెంచీలు అవి ఉంటాయి కానీ అంత క్లీన్ గా ఉండవు. కానీ అక్కడ ఫుడ్ చాలా బావుంటుంది.  టేక్ అవే తీసుకోవచ్చు లేక పోతే అక్కడే నించుని తినేయచ్చు.   


ఫాస్ట్ ఫూడ్స్:

ఫుల్ మదమస్ ( Ful Medames ), కుషారి ( Kushari ),  డోల్మ ( Dolma ), తమయ ( Tamaya ).   అన్నీ శాకాహారమే.  ధైర్యంగా తినెయ్యచ్చు. 

ఫుల్ మదమస్ :  పీటా బ్రెడ్ లో స్టఫ్ చేసిన మాష్ చేసిన బీన్స్ ( రాజ్మ లాంటిది). 



Ful Medames



తమయ :  పీటా బ్రెడ్ లో స్టఫ్ చేసిన కాబూలి చనా తో చేసిన  ఫలాఫల్ , సలాడ్.

కుషారి :  గ్లాస్ లాంటి దాన్లో  అన్నం,  బ్లాక్  లెన్టిల్స్ ( కందుల్లాంటివి ), కాబూలి శనగలు, మాకారోని పాస్తా లేయర్లుగా వేసి పైన  టొమాటో సాస్ పోస్తారు. 

డోల్మ :  ద్రాక్ష ఆకులలో స్టఫ్ చేసిన అన్నం.

 మన రుచులలో తినాలనుకునే వాళ్ళకి మైదాతో చేసిన చపాతీలు, ఊరగాయ ( pickled veggies ), పెరుగు, మూడు నాలుగు రకాల బ్రెడ్లు దొరుకుతాయి.   అన్నంలో తప్ప ఇంక ఎందులో ఉప్పు ఉండదు. 


పచ్చడి / డిప్స్ :

తెహిన ( Tehina )                         : నువ్వుల పచ్చడి ( sesame dip )

బాబా ఘనుష్ ( Baba Ghanoush) : వంకాయ పచ్చడి (aubergine mash )

స్వీట్లు :  బక్లావ,  బస్బూస (Basbousa ) .   బక్లావ అందరికీ తెలిసే ఉంటుంది.  బస్బూస సేమియాని పంచదార పాకంలో వేసి నట్స్ వేసి చేసే స్వీటు. 


షాపింగ్

 ఇంట్రెస్టు డబ్బులు ఉండాలి కానీ షాపింగ్ కి కొదవ లేదు.   ఆఫ్రికన్ మాస్కులు, మఫ్లర్లు, ఎంబ్రాయిడరీ  చేసిన బట్టలు, హుక్క మోడల్స్, గుర్రం మీద వెళ్ళే బాటసారి బొమ్మలు, టేబుల్ క్లాత్, కోస్టర్లు, అత్తర్లు, పోస్ట్ కార్డ్లు, షాట్ గ్లాసులు, నగలు, బాకులు ఇవే కాదు ఇంకా చాలా రకాలున్నాయి.   అన్నిటికన్నా ముఖ్యమైనది ఖజ్జూరాలు. 

      
      ఈజిప్ట్ పేరుకి ఆఫ్రికా లోనే ఉన్నామొత్తం  ఇస్లాం మతమే అవటంతో ఆఫ్రికన్ దేశంలా కాక అరబ్ దేశంలా అనిపించింది.

   అసలు మనం ఈజిప్ట్ కి వెళ్లేదే అప్పటి ఫరోనిక్ ఈజిప్ట్ కోసమే కదా.    ఆ కాలాన్ని ప్రతిబింబించే వస్తువులు పిరమిడ్ బొమ్మలు, పెపైరస్ అనే పేపర్ మీద పెయింటింగులు, ఆ కాలం నాటి దేవుడి బొమ్మలు ( హోరుస్, అనుబిస్ etc), మమ్మిఫికేషన్ జరిగే ముందు శరీరంలో అవయవాలు తీసి భద్రపరిచే పింగాణీ జాడీలు ( canopic jars ), టుటన్ఖమున్ మాస్క్, స్పింక్స్.   నూబియన్ విలేజ్ జీవితాన్నిప్రతిబింబించే  బొమ్మలు కూడా కొనచ్చు.       పిరమిడ్లు ఎంతైనా సమాధులే కాబట్టి వాటిని కొనాలనిపించలేదు.   

  కైరో లో ఉన్న ఖాన్ ఎల్ ఖలీలీ మార్కెట్ షాపింగ్ కి బెస్ట్. వేలల్లో షాపులుంటాయి .  లక్షర్ ఆస్వాన్ లో మార్కెట్ బావుంటుంది  కానీ ఆస్వాన్ లో మోసం ఎక్కువనిపించింది.  ఖజ్జూరాలకి మాత్రం ఆస్వాన్ బెస్ట్ ట. చిన్న ఊళ్ళో మోసాలు ఉండవు, పెద్ద ఊళ్ళో ఉంటాయనేమి లేదు.  చేతనైనంత వరకు అందరి కందరూ మోసం చెయ్యటానికే ట్రై చేసారు. ఆస్వాన్ లో కొన్న నూబియన్ బొమ్మలు కైరో రేట్లతో పోలిస్తే వంద పౌన్ల పైన ఎక్కువ దొబ్బాడని తెలిసింది బేరాల తరవాత కూడా.  హ్యాండ్ మేడ్ అని ఇంకా బొమ్మలు అంతగట్టాడు కానీ అవి ఇంటి  కొచ్చేసరికి పప్పు పప్పు అయ్యాయి.




Nubian House, Nubian Couple

  

Musicians







Final Judgment on Papyrus

మన హిందూ మతం ప్రకారం మనిషి పోయిన తరవాత చిత్రగుప్తుడు చదివిన మన  పాపాల చిట్టా బట్టి యముడు పనిష్మెంట్ ఇచ్చినట్లు ఫరోనిక్ కాలంలో కూడా ఈ ఫైనల్ జడ్జ్మెంట్ ఉంది.  కాకపోతే కేరెక్టర్లు, వాళ్ళ పేర్లు  వేరు. 
        
        అనుబిస్ ( Anubis - the jackal god ) చనిపోయిన ఫారోని చెయ్యి పట్టుకుని తీర్పుకి తీసుకొస్తాడు (extreme left ).  పైన కూర్చున్న 14 మంది జడ్జీలు అతని మంచి చెడ్డ పనుల చిట్టా చదువుతారు.    వాళ్ళ చేతుల్లో ఉన్నదాన్ని అంఖ్ అంటారు. అది key of life.  తరవాత అతని గుండెని త్రాసులో వేసి మాట్ (Maat - goddess of truth n justice ) ఈకతో బరువు చూస్తారు.  తోత్ ( Thoth - god  of wisdom  with paper n pen ) పక్కనే నించుని జడ్జ్మెంట్ రాసుకుంటాడు.  అది ఈక కన్నా బరువుగా ఉంటే పాపాలు ఎక్కువ చేసినట్లు.   అప్పుడు పక్కనున్న అమిట్ (Ammit - god with croc head n hippo legs ) గుండెని తినేస్తాడు.   అంటే అతని చాప్టర్ క్లోజ్ అనమాట.  ఒక వేళ గుండె ఈక కన్నా తేలిక గా ఉంటే అతను మంచి చేసినట్లు.    హోరస్ ( Horus - falcon god ) అతన్ని ఒసైరిస్  (Osiris - judge of the dead ---  యముడు )  దగ్గరికి తీసుకెళతాడు.   ఒసైరిస్ తన భార్య ఇసీస్, చెల్లి నెఫ్తిస్ తో కలిసి ఫారోని అండర్ వరల్డ్ కి ఆహ్వానిస్తారు. 



Pharonic Calendar on Papyrus

 ఇది ప్రపంచంలోనే మొట్ట మొదటి క్యాలెండర్ ట.   లక్షర్  లో దొరికిందిట.   నెపోలియన్ కాలంలో దీన్ని పారిస్ కి తీసుకెళ్ళిపోయి అక్కడ లూవ్ర్ ( Louvre ) ముజియం లో పెట్టించాడుట.   కాలెండర్ లో ఉన్న హైరోగ్లైఫ్ భాషలో దీని అర్ధం రాసుంది. 

God Horus                                               :   Represents 4 directions ( east, west, north, south )

12 figures                                                :  12 months 

2  hands  x 12 figures                               :  24 hours/day

10 fingers x 12 figures                              :  120.    60 mins/day + 60 sec /min   

36 human figures inside the big circle         :  each one represents 10 days
                                                                    36 x 10 = 360 days

5 circles                                                     :  5 festivals ( dedicated to Isis, Osiris, Horus, Seth, Hathor )

                                                                       360 + 5 =  365 days 

Animals                                                       :  12  signs of Zodiac


  దీన్ని 200  పౌన్లు చెప్పి చివరికి యాభై పౌన్లకి ఇచ్చాడు. 


కొంచెం ఖరీదైన వస్తువు కావాలంటే వెండి పెండెంట్లు కొనుక్కోవచ్చు.   వాటి మీద మన పేరు ఫరోనిక్ భాషలో  ( hieroglyph ) చెక్కుతారు.   వాటిని గైడ్లే అమ్ముతారు.